Saltar ao contido principal

Contacontos de Igualdade

Co obxectivo de fomentar a educación en igualdade nas crianzas e nas familias en xeral, a ANPA organiza estes contacontos por videoconferencia:

Sábado 17 outubro, ás 11:30 horas
Para crianzas de 0 a 6 anos.
 
Sábado 24 outubro, ás 11:30 horas
Para nenas e nenos de 7 a 9 anos.
 
Sábado 31 outubro, ás 11:30 horas
Para a rapazada de 9 a 12 anos.
 
Ao ser de forma telemática, traballaremos para que se cumpran unhas pequenas regras e sexan participativos de verdade, para que os nenos non sexan meros espectadores, senón activos e protagonistas no proceso de aprendizaxe. 

Esta actividade está financiada coas axudas dirixidas ás asociacións de nais e pais do alumnado de centros educativos de Galicia coa finalidade de potenciar a promoción da igualdade e a prevención da violencia de xénero.

SecretariaXeral da Igualdade da Xunta de Galicia.

Operación cofinanciada con Fondos finalistas do Pacto de Estado contra a violencia de xénero.

O noso agradecemento ao CPI Ramón Piñeiro e Concellos de Láncara, O Páramo e O Corgo por a difusión destes contacontos, charlas de educación afectivo-sexual e concurso para o alumnado da ESO.


 

Etiquetas:

Publicacións populares deste blog

Como participar nas videoconferencias e nos contacontos de Igualdade

As charlas que van impartir os médicos-sexólogos de Otero Piñán e os contacontos de Igualdade van ser empregando a plataforma Zoom. Deixaremos as ligazóns aquí un pouco antes de comezar a sesión, xunto cunhas pequenas normas por seguridade. Se tedes calquera dúbida ou problema coas charlas, contacontos ou o sistema zoom, avisádenos en tempo para poder axudarvos e solucionalo.  
Ler máis

Benvidos ao sitio web da ANPA do CPI Ramón Piñeiro

Simplemente dicirvos que queremos que este sexa un espazo onde atopar toda a información de interese que compartimos, de xeito centralizado, e así chegue a todas as familias dos alumnos e alumnas do CPI Ramón Piñeiro. Na parte superior atoparedes a ligazón Axenda . Nela queremos incluír a información das datas nas que están abertos determinados trámites, eventos organizados por nós ou ben nos que colaboremos. Tamén queremos incluír os que promoven a FAPACEL , CONFAPA ou outras ANPAs. De momento non habilitaremos o apartado de comentarios, pero lembrade que estamos a vosa disposición por teléfono ou ben no enderezo electrónico apa.ramonpineiro@gmail.com para as vosas suxestións e achegas, que serán ben recibidas.
Ler máis

Ela e Dylan: Flores solitarias. A muller nas cancións e poemas de Bob Dylan.

Nesta ocasión a ANPA do CPI Ramón Piñeiro tamén colabora na organización e difusión de esta obra musical e poética, de novo dentro proxecto " Ler conta moito ", do Programa de dinamización da lectura da Rede de Bibliotecas Públicas de Galicia , xunto co Concello de Láncara . Terá lugar o sábado 30 de xuño de 2018, ás 19:00 horas, na Biblioteca Municipal de Láncara O público destinatario son a mocidade e os adultos . Trátase dunha performance poético-musical sobre a muller nas letras de cancións e poemas de Bob Dylan traducidas ao galego. Ao longo dunha hora iranse sucedendo a dramatización de letras e textos do libro “Tarántula” de Dylan, mesturados coas cancións cantadas a unha ou dúas voces por Helga Méndez e Roger de Flor. Bob Dylan foi o primeiro músico en obter un Nobel de Literatura. É unha boa oportunidade para coñocer parte da súa obra, letras e música.
Ler máis