<<Suspendido por falta de grupo>>
O Concello de Láncara, co financiamento da Secretaría Xeral de Igualdade da Xunta de Galicia, inicia este venres no Polifuncional o proxecto "O teatro e as emocións".
Con moita ilusión, e como continuación a outras actividades que se puxeron en marcha en anos anteriores, queremos que os nosos pequenos e pequenas sexan capaces no seu presente e futuro de xestionar adecuadamente as súas emocións, de relacionarse cos demais dunha forma respectuosa, e de facer que ese manexo emocional non sexa un obstáculo senón un trampolín para o seu desenvolvemento integral: psicolóxico e social.
A través do teatro, dun xeito natural, con situacións do día a día, imaxinarán, expresaranse, ensaiarán diferentes roles...; tentaremos descubrir xuntos (pais, nais e nenos) habilidades que non sabemos que temos, ou que nos da medo mostrar.
Un total de 10 sesións de 35 minutos cada unha, que se desenvolverán no Polifuncional dende o vindeiro venres 2/10/2020 (presentación e 1.ª sesión), ás 17:00 horas, todos os martes dos meses de outubro e novembro a esta mesma hora 17:00 horas (6/10/2010, 13/10/2020, 20/10/2020, 27/10/2020, 03/11/2020, 10/11/2020/ 17/11/2020 e 24/11/2020).
Con todas as medidas de seguridade e hixiene necesarias, queremos acadar a máxima acollida e compromiso entre as familias, porque entendemos que o obxectivo merece a nosa aposta e atención.
As sesións terán un fío condutor: Papa Aurelio e a súa filla Lola terán que enfrontarse a distintos conflitos, problemas ou situacións máis o menos complexas.
Os que queirades descubrir os camiños que estes personaxes van elixir, debedes chamar ao concello 982543077 e anotarvos. Prazas limitadas.
Máis información nesta ampliación sobre o traballo no proxecto.