Saltar ao contido principal

BASES CONCURSO MURAL "A ESCALEIRA DE PEPE E PEPA"

A ANPA do CPI Ramón Piñeiro convídavos a participar a alumnas e alumnos da ESO no concurso para facer un mural que fale da historia de Pepe e Pepa. ¿Coñecédela? ¿Sabedes de que trata?
Aquí tedes unha pista: https://youtu.be/pTch0whicpk (ou busca “Pepe e Pepa. A violencia de xénero en Internet”).

Tema
Neste concurso debedes facer a vosa reinterpretación desa historia e plasmalo de forma gráfica nun mural escollendo as técnicas que máis vos gusten, de xeito que podamos comprender esa fábula sobre a evolución da violencia de xénero na parella.

Primeiro
Poderán participar no concurso o alumnado da ESO do CPI Ramón Piñeiro de Láncara, en grupos de 2 a 4 participantes.

Segundo
Os traballos deben ser orixinais.

Terceiro
Poden ser creados manual ou dixitalmente, empregando as técnicas que máis vos gusten, pero deben ser entregados en formato dixital,  tamaño A3, no enderezo de correo electrónico apa.ramonpineiro@gmail.com
No correo electrónico debedes indicar os nomes dos participantes, curso e os teléfonos de contacto.

Cuarto
O prazo para entregalos rematará o 9 de novembro de 2020.

Quinto
O xurado estará composto por dous membro do profesorado do CPI Ramón Piñeiro, un membro da corporación municipal dos concellos de Láncara, O Corgo e O Páramo, a responsable da OMIX do Concello de Láncara, unha exalumna do centro e unha representante da ANPA.
Os murais serán expostos publicamente no sitio web da ANPA despois das votacións e se é posible, tamén nas instalacións do centro.

Sexto
Valorarase que o equipo sexa mixto.
Os participantes son responsables do material que presenten ao concurso. Queda excluída toda responsabilidade para a organización.
Non se admitirán os carteis que non se axusten as condicións do concurso, nin se admitirán traballos ofensivos ou desapropiados.

Sétimo
O premio será un “Bautismo de escalada” en Rocolugo para o equipo gañador xunto con outros agasallos, tamén para o segundo e terceiro mellor cartel.

 

Esta actividade está financiada coas axudas dirixidas ás asociacións de nais e pais do alumnado de centros educativos de Galicia coa finalidade de potenciar a promoción da igualdade e a prevención da violencia de xénero.

SecretariaXeral da Igualdade da Xunta de Galicia.

Operación cofinanciada con Fondos finalistas do Pacto de Estado contra aviolencia de xénero.

O noso agradecemento ao CPI Ramón Piñeiro e Concellos de Láncara, O Páramo e O Corgo por participar como xurado e contribuír a difusión deste concurso, contacontos e charlas de educación afectivo-sexual.



Publicacións populares deste blog

Cambio na data da convocatoria das asembleas: domingo 18 de maio

Por acordo en xunta directiva: ao non ser posible a asistencia por motivos persoais do 50% dos membros, cámbiase a data das dúas asembleas ao domingo 18 de MAIO de 2025 , coa mesma orde do día e mesmo horario. Se alguén non está de acordo que fale con María José (Presidenta). Tamén para presentar candidaturas, individuais ou conxuntas. A primeira, XERAL E ORDINARIA, terá lugar ás 11:00 horas en primeira convocatoria. A segunda, EXTRAORDINARIA, terá lugar ás 12:00 horas en primeira convocatoria. As asembleas están ABERTAS A TODOS; poden asistir os pais, nais e titores de alumnos aínda que non sexan socios da ANPA.

Sábado 10 maio 2025: convocatoria 2 asembleas seguidas

A ANPA do CPI Ramón Piñeiro convoca dúas asembleas o sábado 10 de maio. A primeira, XERAL E ORDINARIA, terá lugar ás 11:00 horas en primeira convocatoria. A segunda, EXTRAORDINARIA, terá lugar ás 12:00 horas en primeira convocatoria. As asembleas están ABERTAS A TODOS; poden asistir os pais, nais e titores de alumnos aínda que non sexan socios da ANPA. ASEMBLEA XERAL ORDINARIA  Convócase Asemblea Xeral Ordinaria da Asociación de Nais e Pais de Alumnos a celebrar o vindeiro sábado 10 de maio de 2025, no salón de actos da Biblioteca Pública Municipal, en A Pobra de San Xiao (Láncara) ás 11:00 horas en primeira convocatoria, e ás 11:15 horas en segunda convocatoria, no mesmo lugar, coa seguinte orde do día: 1- Lectura e aprobación das actas das asembleas anteriores. 2- Informe da Xunta Directiva. 3- Informe de Tesourería. Presentación das contas. 4- Informe da representante no Consello Escolar. 5- Rogos e preguntas. 6- Asuntos de urxencia. ASEMBLEA XERAL EXTRAORDINARIA Convócase Ase...

Kung Fu e Ximnasia Rítmica funcionando dende outubro. Patinaxe en liña funcionando dende xaneiro.

O pasado sábado 18 de xaneiro o equipo de Kung Fu marchou facer acrobacias a Lugo. Este centro recreativo de camas elásticas é unha empresa de animación e etretemento infantil e xuvenil, pero tamén posúe unhas instalacións aproveitábeis para adestrar con seguridade acrobacias complexas que necesitan de determiandas infraestruturas propias da ximnasia artística, como é o foxo de tacos de escuma, esponxa. En tódolos concellos atopamos pabellóns, ideias para o fútbol sala, baloncesto, balón-man, etc.., pero apenas nos muncipios grandes hai instalacións ximnásticas que nos permitan exercitar activdades atléticas deste tipo. Ver o attigo completo: O equipo Kung Fu Láncara adestrou habilitades físicas nas camas elásticas de Lugo.